Старшыня Смаргонскага райвыканкама Генадзь Харужык атрымаў Ганаровую грамату Савета міністраў Рэспублікі Беларусь

Ганаровай граматы Савета міністраў Рэспублікі Беларусь  за шматгадовую плённую працу, дасягненне высокіх вытворчых паказчыкаў і асабісты ўклад у развіццё сельскагаспадарчай вытворчасці ўдастоены старшыня  Смаргонскага райвыканкама Генадзь Харужык.



Узнагарода доўга чакала свайго героя. Яе планавалася ўручыць яшчэ ў лютым падчас падвядзення абласных вынікаў работы ў сельскагаспадарчай галіне. Але з-за пандэміі каранавірусу мерапрыемства не адбылося, расказвае газета "Светлы шлях".

Толькі 19 чэрвеня, падчас рабочай паездкі па паўночных рэгіёнах Гродзеншчыны першы намеснік старшыні Гродзенскага аблвыканкама Іван Жук, прывёз у Смаргонскі раён высокую ўзнагароду.

Іван Алейзавіч не хаваў радасці ад таго, што Смаргоншчына дынамічна развіваецца ў сацыяльна-эканамічным плане, а раённы цэнтр пасля правядзення абласнога свята “Дажынкі-2019” нашмат папрыгажэў. У гэтым вялікая заслуга і кіраўніка раёна.

- Атрымаць такую ўзнагароду – вельмі ганарова. Лічу, што гэта заслуга кожнага гараджаніна і жыхара Смаргонскага раёна. Мы добра папрацавалі і спыняцца на дасягнутым мы не збіраемся, - зазначыў старшыня райвыканкама Генадзь Харужык.