36 шматдзетных сем'яў запрасіла на навагодні ранішнік жаночая гарадская арганізацыя Беларускага саюза жанчын

29.12.2018

Навiны рэгiёна

Свята прайшло ў сценах Гродзенскай гарадской гімназіі, яе навучэнцы і педагогі падрыхтавалі для гасцей маляўнічае прадстаўленне. Прычым самы актыўны ўдзел у карагодзе і танцах каля ёлкі прымалі не толькі дзеці, але і іх мамы і таты. Жаночая гарадская арганізацыя запрасіла на мерапрыемства шматдзетныя сем'і ў поўным складзе.

- Шэраг мэтаў Беларускага саюза жанчын датычацца падтрымкі сем'яў, папулярызацыі сямейных каштоўнасцяў. Выдатна, калі ёсць вялікая сям'я, і ўсе яе шматлікія члены праводзяць час разам. Актыў жаночай гарадской арганізацыі вырашыў падарыць яшчэ адну магчымасць сабрацца ў поўным складзе і павесяліцца ад душы. Сапраўднае шчасце глядзець на шчаслівых дзяцей і бацькоў, - адзначыла старшыня гарадской арганізацыі БСЖ «гарадзенкам» Ірына Луканская.