У мітынгу-рэквіеме прынялі ўдзел жыхары Астрынскага сельсавета, прадстаўнікі ўлады, арганізацый і аб’яднанняў раёна, моладзь і школьнікі.
– На тэрыторыі Шчучыншчыны фашыстамі былі спалены, закатаваны, расстраляны больш за сем з паловай тысяч нашых землякоў, -  звярнулася да прысутных намеснік старшыні райвыканкама Алена Пасюта. – Жыхары вёсак Агародзіша, Якубавічы, Васілішкі, гарадскога пасёлка Жалудок, горада  Шчучына, іншых населеных пунктаў раёна падзялілі страшную долю ахвяр генацыду. Нашы землякі аддалі самае дарагое – сваё жыццё дзеля таго, каб абараніць будучыню свайго народа, сваёй краіны.  Іх імёны навечна засталіся ў нашай памяці.